25-ақпан күні, 10-сынып ата-аналары үшін "Педконсилиум" ұйымдастырылды. Педконсилиум барысында, ата-ана әр пән мұғалімдерімен баласының білімін, тәрбиесін талқылады. Шара соңында ата-аналарымыз ризашылықтарын білдірді.

      

24-ақпан күні, өзін-өзі басқару комитеті президенті - Қайыржан Қуандықтың және лицей оқушыларының ұйымдастыруымен, "Тәрбиешілер күніне орай" мерекелік шара өткізілді. Аталған шараға ата-аналар, лицей мұғалімдері қатысты. Шара барысында әндер шырқалып, түрлі би көрсетілімімен қатар домбырада күйлер тартылды. Әсіресе әзілқой жігіттердің «Жайдарман» бағытындағы өнерлері көрермен тарапынан қолдау тапты. Ата-аналар тарапынан тәрбиешілер мерекесіне байланысты құттықтаулар айтылды.

     

Атырау облысы Білім беру басқармасы мен Атырау облыстық қазақ-түрік лицейі ұйымдастырған жалпы білім беретін мектептердің 7-11 сынып оқушыларының арасында "Жарқын болашақ" VІІІ республикалық KATEV қазақ тілі олимпиадасының облыстық кезеңі өткізілді. Олимпиадаға 81 оқушы қатысты. Оқушылар 5 бағыт бойынша сынға түсті. "Жүзден жүйрік, мыңнан тұлпар" оқушыларымыз марапатталды. І орын алған жеңімпаздарымыз Республикалық кезеңге жолдама алды. Әділқазы мүшелері оқушылардың дайындық деңгейінің жылдан-жылға артып келе жатқандығын атап өтті.

    

Кеше, Жылыой ауданы білім бөлім басшысымен бір топ мектеп директорлары лицейімізде қонақ болды. Қонақтарға оқу-тәрбие бөлімі мен жатақхана меңгерушілері лицейіміздің материалдық-техникалық базасымен, оқу және тәрбие жүйелерімен танысу мақсатында семинар өткізді.

   

9-11 сынып оқушылары арасында өткізілген волейбол жарысының қорытындысы бойынша, І орын - 11 "В" сынып оқушылары, ІІ орын - 11 "А" сынып оқушылары, ІІІ орын - 10 "А" сынып оқушылары иеленді. 11 "В" сынып оқушысы Сон Владимир"Үздік ойыншы" номинациясымен марапатталды.

   

"Өзін-өзі тану: Махаббат пен шығармашылық педагогикасы" атты дәстүрлі онкүндік аясында, дене тәрбиесі пәні мұғалімі Е.У.Хисимовтың ұйымдастыруымен, "Мен, мектеп, ата-ана - бәріміз бір жанұя" атты ата-аналар, оқушылар, мұғалімдер және тәрбиешілер арасында волейболдан жарыс ұйымдастырылды. Жарыс қорытындысы бойынша І орын - мұғалімдер командасы, ІІ орын ата-аналар және оқушылар командасы иеленді. Серіков Амандық "Үздік ойыншы" номинациясымен марапатталды.

   

"Өзін-өзі тану: Махаббат пен шығармашылық педагогикасы" атты дәстүрлі онкүндік аясында, 11-ақпан күні көркемдік жетекші С.А.Мулдашева және алғашқы әскери дайындық пәні мұғалімі Н.Н.Темировтың ұйымдастыруымен, Ауған соғысының 27 жылдығы, Тәжік-ауған шекарасының шығарылғанына 15 жыл толуына орай «Елім деп соғар жүрегім» атты ауған соғысы ардагерлерімен кездесу кеші өткізілді. Кездесу кешіне "Тәжік-ауған жауынгерлері" - Қ.Т.Қадырқұлов, К.С.Якупов, А.А.Шамшадинов және "Қарулы күштердің ардагері, запастағы полковник" - Д.М.Мұрзакулов, "Атырау қаласының қорғаныс департаментінің бастығы, подполковник" - Б.К.Жұмағұлов қатысты.

 

ТАМАША ЖАНАЛЫҚ!!!
Бүгін лицейімізде оқушыларымыздың ұйымдастыруыменен еліміздің басқа да оқу орындарына үлгі боларлық жаңа бір іс-шара бастау алды. Ең бірінші, мектебімізде тегін интернет желісі, ақысыз wi-fi орнатылды. Оқушыларымыз ақысыз ғаламтор жүйесіне қосылу үшін ұйымдастырушылардың берген сұрағына жауап берулері тиіс. Яғни, оқушыларымызға әртүрлі ғылым саласы бойынша күн сайын жаңа сұрақ беріліп отырады. Сол берілген сұрақтың жауабы wi-fi-дің құпия сөзі(паролі) болады. 
Оқушылар берілген сұраққа дұрыс жауап беру арқылы тегін интернет жүйесіне қосыла алады. Осы іс-шараның арқасына оқушыларымыз тек қана тегін интернетті пайдаланып қоймай, сонымен бірге өздеріне пайдалы нәрселерді үйренетін болады.

 

Мемлекет басшысы Н.Ə.Назарбаевтың "Қазақстан жаңа жаһандық нақты ахуалда: өсім, реформалар, даму" атты жолдауын лицейіміздің президенті Қайыржан Қуандық оқушылармен бірге талқылады. Аталған жолдау барысында, лицей оқушылары өздеріне толықтай мағлұмат алды.

 

Оқушыларымызға кәсіби бағдар беру мақсатында, "Қазақ-Британ техникалық университетінің" өкілдері лицей түлектерімен және ата-аналарымен кездесу өткізді. Кездесу барысында, KBTU өкілдері қазақ-түрік лицей оқушыларына жеңілдіктер болатынын хабарлады.